Grŵp y Blynyddoedd Rhyfeddol - Babanod
I bwy mae'r grŵp?
Ydych chi’n fam neu’n dad sydd â babi 0-5 mis oed a hoffai rywfaint o gymorth i greu’r amgylchedd gorau i’ch babi ddatblygu?
Ydych? Yna ry’n ni’n cynnig lle i chi ddod i gyswllt â mamau a thadau eraill a’ch babanod i gael amser i ganolbwyntio ar fod y fersiwn orau ohonoch chi. Gorau po ieuengaf yw eich babi gan ei fod yn rhoi mwy o gyfle i chi ymarfer y fath sgiliau newydd.
Gwybodaeth ymarferol
Mae pob sesiwn yn 2 awr ac yn cael eu cynnal dros 9 wythnos.
Beth yw’r manteision?
- Sut mae canolbwyntio ar eich lles emosiynol eich hun yn eich cynorthwyo i fod yn fam neu’n dad gwell.
- Sut y gallwch chi sefydlu’r cwlwm agosrwydd hwnnw â’ch babi, cynyddu ei ddiogelwch a gosod y sylfaen iddo feithrin perthnasoedd cadarnhaol yn eu bywyd.
- Deall sut mae ymennydd eich babi yn gweithio a sut y bydd yn datblygu.
- Dysgu sut i fynd ati i dylino corff eich babi mewn ffordd fydd yn eich helpu chi a’ch babi i ymlacio a theimlo mwy o gyswllt.
- Canfod pryd a sut i gyflwyno bwydydd solet i ddiet eich babi a chael syniadau am fwydydd y gallwch chi roi cynnig arnyn nhw.
- Cydnabod pa mor bwysig yw chwarae. Sut y gall fod yn hwyl, helpu eich babi i ddysgu siarad, i wella dysgu, ysgogi ei ymennydd, a chefnogi’r cwlwm agosrwydd rhyngoch chi a’ch babi
- Canfod y pethau y gallwch eu gwneud i gynyddu diogelwch yn eich cartref.
- Cyfarfod â mamau a thadau newydd eraill a rhannu eich taith gyda nhw a gwneud ffrindiau newydd.
- Cael cymorth gan famau a thadau eraill sydd ar yr un llwybr magu plant â chithau.
Adborth
- “Fel un sy’n fam am y tro cyntaf, defnyddiol iawn oedd cael y cyfle i siarad a holi cwestiynau. Mae’n gwneud i mi feddwl am y dyfodol a pharatoi ymlaen llaw am y cyfnod pan fydd fy mabi yn dechrau bwyta bwydydd solet a dechrau cropian ac ati. Diolch!”
- “Fe wnes i fwynhau’r rhaglen yn fawr. Dysgais lawer o syniadau newydd o ran chwarae ac roedd y sesiwn ddiddyfnu a sesiynau diogelwch yn ddefnyddiol iawn. Dysgais lawer o bethau nad oeddwn yn eu gwybod. Diolch.”
Yn Yr Adran Hon
- Grŵp Awyr Agored Babanod i Gyd
- Cylch Diogelwch
- Sesiynau Dad a Fi
- Elklan ‘Dewch i Ni Siarad â’ch Babi'
- Rhaglen Magu Plant Cysylltiadau Teuluol
- Gweithdai Cysylltiadau Teuluol
- Sesiynau Chwarae i'r Teulu
- Grŵp i Dadau gan Dadau
- Grŵp Awyr Agored Ysgolion Coedwig
- Grŵp y Blynyddoedd Rhyfeddol - Babanod
- Rhaglen y Blynyddoedd Rhyfeddol - Plant Bach
- Rhieni Fel Athrawon Cyntaf (PAFT)
- Magu Plant Mewn Ffordd Chwareus
- Rhaglen Grŵp Cyn-geni 'Croeso i'r Byd’