Dewis Gofal Plant
Mae dewis y gofal plant iawn yn benderfyniad mawr a gall fod yn anodd. Mae llawer o bethau i'w hystyried ond peidiwch â phoeni, mae llawer o help ar gael.
Manteision defnyddio gofal plant
Mae yna lawer o resymau pam y gallech chi fod eisiau defnyddio gofal plant.
Mae gofal plant o ansawdd uchel yn cefnogi datblygiad plant. Gall gofal plant ddarparu amgylchedd diogel sy’n meithrin plant, lle gall plant ddysgu a thyfu yn ogystal â datblygu sgiliau cymdeithasol ac emosiynol pwysig.
Gall gofal plant fod o gymorth mawr i deuluoedd. Gall ddarparu amgylchedd diogel ac ysgogol i'ch plentyn, a rhoi’r hyblygrwydd i chi i weithio neu ddilyn diddordebau eraill ar yr un pryd.
Types of childcare
Mae sawl math gwahanol o ofal plant ar gael ar draws Torfaen. Mae’r rhain yn cynnwys:
Meithrinfa gofal dydd llawn
- Math o ofal plant: Fel arfer yn gweithredu o safle sydd wedi cael ei adeiladu yn arbennig at y diben
- Oedrannau’r plant (fel arfer): Fel arfer o enedigaeth ond yn dibynnu ar y lleoliad. Mae llawer ohonynt hefyd yn gweithredu sesiynau grŵp chwarae (2-3 oed); gofal cofleidiol (3 – 4 oed), a rhai hefyd yn cynnig clybiau brecwast, gofal ar ôl ysgol a gofal yn ystod y gwyliau i blant oed ysgol
- Amserau agor: Diwrnod llawn, Hanner diwrnod, Sesiynol
- Iaith: Cymraeg, Saesneg, Dwyieithog
Gwarchodwr plant
- Math o ofal plant: Yn gweithredu o gartref
- Oedrannau’r plant (fel arfer): Yn dibynnu ar y Gwarchodwr Plant ond fel arfer 0 – 12 oed, ond weithiau’n hŷn.
- Amserau agor: Fel arfer yn gallu bod yn hyblyg, gan ddibynnu ar y galw
- Iaith: Cymraeg, Saesneg, Dwyieithog
Grŵp chwarae
- Math o ofal plant: Gallai fod ar safle ysgol, mewn neuadd eglwys, caban Sgowtiaid, neu adeilad cymunedol
- Oedrannau’r plant (fel arfer): 2 – 3 oed ar gyfer sesiynau cyn-ysgol; 3-4 oed ar gyfer gofal ‘cofleidiol’
- Amserau agor: Sesiynau, Clwb brecwast, Clwb cinio
- Iaith: Cymraeg, Saesneg, Dwyieithog
Cylch Meithrin
- Math o ofal plant: Gallai fod ar safle ysgol, mewn neuadd eglwys, caban Sgowtiaid, neu adeilad cymunedol
- Oedrannau’r plant (fel arfer): 2 – 3 oed ar gyfer sesiynau cyn-ysgol
- Amserau agor: Sesiynau, Clwb brecwast, Clwb cinio
- Iaith: Cymraeg
Mae gofal plant yn gallu bod yn gofrestredig neu’n anghofrestredig
Yn ôl y gyfraith, rhaid i ddarparwyr gofal plant sy’ gweithredu am fwy na 2 awr y dydd, neu fwy na 5 niwrnod y flwyddyn, gofrestru a chael arolygiad gan Arolygiaeth Gofal Cymru (AGC). Gallwch ddod o hyd i adroddiadau’r arolygiadau yma Hafan | Arolygiaeth Gofal Cymru
Mae lleoliadau gofal plant anghofrestredig sy'n gweithredu o dan 2 awr y dydd, neu lai na 5 niwrnod y flwyddyn, yn gallu bod o ansawdd uchel o hyd, ond nid ydynt yn cael eu harolygu. Efallai na fyddwch yn gymwys i gael help i dalu eich costau gofal plant os ydych yn defnyddio lleoliad anghofrestredig.
Rhaid i leoliad cofrestredig
- Gael arolygiad gan arolygwyr AGC. Cewch ragor o wybodaeth am Arolygiaeth Gofal Cymru yma
- Sicrhau bod plant yn cael gofal mewn amgylchedd diogel ac addas.
- Cael staff sy’n cael eu gwirio mewn ffordd addas, sy’n gymwys ac sydd wedi cael eu hyfforddi i gefnogi eich plentyn a gofalu amdano.
- Cael cymarebau oedolyn i blentyn penodol sy’n sicrhau bod digon o staff i ofalu am nifer y plant yn y lleoliad a’u hoed.
- Cael polisïau, gweithdrefnau ac yswiriant yn eu lle i sicrhau bod staff a phlant yn cael gofal a’u bod yn ddiogel.
Help i ddewis y Gofal Plant cywir
Bydd y wefan Dewis Gofal Plant yn dweud wrthych am fuddion gofal plant a’r mathau gwahanol sydd ar gael, ble i ddod o hyd i ofal plant a pha gymorth ariannol sydd ar gael i’ch helpu gyda chostau gofal plant.