Dewis Gyrfa yn y maes Gofal Plant

Ydych chi'n angerddol am lunio bywydau plant a chael effaith gadarnhaol arnyn nhw a'u teuluoedd?

Beth am gymryd y camau cyntaf ar daith i yrfa werth chweil gyda chyfleoedd diddiwedd i dyfu a datblygu.

Gweithio ym maes Blynyddoedd Cynnar a Gofal Plant

Ydych chi'n mwynhau helpu plant iddysgu a datblygu? Gallai gyrfa ymmaes blynyddoedd cynnar a gofal.

Gweler y ddolen am ragor o wybodaeth am hyn ar Padlet Gweithio yn y maes Blynyddoedd Cynnar a Gofal Plant

Dod yn Warchodwr Plant Cofrestredig

A fyddech chi’n hoffi gyrfa sy’n eich galluogi i weithio gyda phlant, ac sy’n hyblyg?

Byddech? Efallai mai dod yn warchodwr plant cofrestredig yw’r dewis cywir i chi.

Gall gwarchod plant fod yn yrfa gwerth chweil sy’n gweddu i lawer o wahanol ffyrdd o fyw. Fel gwarchodwr plant, mi fyddwch yn fos arnoch chi’ch hun, yn gweithio o’ch cartref eich hun a gallwch drefnu’ch gwaith mewn ffordd sy’n addas i chi a’r teuluoedd yr ydych yn gweithio gyda nhw.

Beth all Tîm Gofal Plant Torfaen ei gynnig i chi, i gefnogi eich taith i yrfa werth chweil gyda chyfleoedd diddiwedd ar gyfer twf a datblygiad.

Gallwn eich cefnogi gyda:

• Cyfleoedd wedi'u hariannu'n llawn i gwblhau cwrs gwarchod plant cyn-gofrestru
• Cefnogaeth i gofrestru gydag Arolygiaeth Gofal Cymru (AGC)
• Cefnogaeth a chyngor parhaus
• Aelodaeth am ddim ac yswiriant atebolrwydd cyhoeddus am flwyddyn i'r Gymdeithas Broffesiynol Gofal Plant a'r Blynyddoedd Cynnar (PACEY)
• Mynediad i hyfforddiant a ariennir, fel Diogelu, Cymorth Cyntaf Pediatrig a Diogelwch Bwyd
• Pecyn cychwyn gan gynnwys offer pwrpasol (PACEY)
• Camau i ddod yn warchodwr plant cofrestredig
• Holiadur Gwarchod Plant

Gallwch hefyd ymweld â thudalen cofrestru Ymlaen Llaw Coram PACEY.

Os ydych chi’n meddwl am fod yn Gynorthwyydd Gwarchodwr Plant, mae cyngor ar gael ar dudalen Camau tuag at Fod yn Gynorthwyydd Gwarchodwyr Plant gyda Coram PACEY.

Cynllun Cymeradwyaeth Darparwyr Gofal Plant yn y Cartref

Does dim rhaid i warchodwyr plant sy’n gweithio yng nghartref y plentyn ei hun – neu nanis – gofrestru gydag Arolygaeth Gofal Cymru (AGC) ond gallan nhw gofrestru’n wirfoddol o dan y cynllun Cymeradwyaeth Darparwyr Gofal Plant yn y Cartref.

Mae’r cynllun Cymeradwyaeth Darparwyr Gofal Plant yn y Cartref yn achredu nanis/gofalwyr plant yn y cartref i weithio gyda phlant, gan gynnig mwy o hyder i rieni wrth iddyn nhw gyflogi nani, a hefyd y cyfle i hawlio yn ôl rhai costau gofal plant (os ydyn nhw’n gymwys) trwy Gredydau Treth. Gall nanis wedi eu cymeradwyo hefyd gefnogi rhieni trwy Ofal Plant Rhydd o Dreth.

Beth sydd rhaid ei wneud i gael cymeradwyaeth?

Mae’r cynllun yn gwirio eich bod yn 18 oed, bod gennych dystysgrif cymorth cyntaf pediatrig gyfredol, eich bod wedi mynd trwy wiriad uwch y Gwasanaeth Datgelu a Gwahardd (DBS) a bod gennych gymhwyster ar Restr Cymwysterau Gofynnol Gofal Cymdeithasol Cymru.

Am fwy o wybodaeth, gan gynnwys cwestiynau cyffredin am y cynllun, ewch i wefan Arolygiaeth Gofal Cymru neu Bod yn Nani – Coram PACEY.

Swyddi gwag yn y maes Gofal Plant

Achlysurol Gweithiwr Gofal Plant (Y Blynyddoedd Cynnar)

Cyflog

£26,403 - £27,694 Pro Rata | Gradd 4 | Cyfraff yr awr: £13.69 - £14.35

Sail

Ysbeidiol

Byddai'n ofynnol i'r Gweithiwr Gofal Plant Achlysurol gyflenwi mewn amrywiaeth o leoliadau Gofal Plant y Blynyddoedd Cynnar a Thîm y Crèche Symudol.

Mae Tîm y Blynyddoedd Cynnar yn chwilio am Weithiwr Gofal Plant Achlysurol, sy gymwys, profiadol a brwdfrydig, i gamu i mewn i rôl pan fydd angen yn codi.

Byddwch yn gyfrifol am gynorthwyo'r Goruchwyliwr Gofal Plant i ddarparu gofal plant o ansawdd uchel yn y maes hwn.

Rhaid bod deiliad y swydd yn meddu ar gymhwyster perthnasol yn y maes Blynyddoedd Cynnar/Gofal Plant, fel NVQ Lefel 3 neu gyfwerth.

Byddai'r gallu i siarad Cymraeg yn fantais neu bydd angen bod yn barod i gymryd rhan yn rhaglen CAMAU Llywodraeth Cymru - sef y cyfle i ddysgu Cymraeg ar gyfer Gofal Plant y Blynyddoedd Cynnar.

Rhaid bod gennych brofiad o weithio gyda phlant, a deall yr hyn sydd ei angen i ddarparu amgylchedd dysgu o ansawdd uchel i blant 0-5 oed. Byddai profiad o ddarpariaeth Dechrau'n Deg yn ddymunol.

I gael trafodaeth anffurfiol ynghylch y swydd hon, cysylltwch ag Emma Edwards ar 07940792823.

Meithrinfa Bellevue – Rheolwr Meithrinfa

Dyddiad Cau y cais - Hanner dydd, dydd Gwener 31 Gorffennaf 2026

Ydych chi'n weithiwr proffesiynol angerddol sy’n gweithio yn y maes blynyddoedd cynnar, ac yn barod i gymryd y cam nesaf yn eich taith arweinyddiaeth?

Rydym yn chwilio am reolwr hyderus a medrus i helpu i lunio dyfodol ein meithrinfa ochr yn ochr â thîm profiadol ac ysbrydoledig.

Fel Rheolwr Meithrinfa, byddwch yn:

• Yn gyfrifol am redeg y lleoliad o ddydd i ddydd

• Ysbrydoli'r tîm i ymarfer yn rhagorol

• Arwain ar strategaethau dysgu a datblygu ar gyfer y plant a’r staff

• Hyrwyddo ein cwricwlwm cynhwysol, cyfoethog awyr agored, sy’n cael ei arwain gan y plant

• Meithrin perthnasoedd cryf, cadarnhaol gyda theuluoedd a'r gymuned ehangach

• Cadw ar flaen deddfwriaeth a hyrwyddo diogelu ar draws y lleoliad

• Cefnogi plant ag ADY i sicrhau eu bod i gyd yn cyrraedd eu potensial llawn

Yr hyn rydyn ni'n chwilio amdano:

Rydym yn chwilio am arweinydd ysgogol a myfyriol, sydd â’r hyder, yr angerdd a phwrpas i gyflawni canlyniadau eithriadol i blant, teuluoedd a staff.

Yr hyn fydd ei angen arnoch:

• Cymhwyster Blynyddoedd Cynnar Lefel 3 neu uwch

• 2+ mlynedd o brofiad mewn lleoliad meithrin, gyda phrofiad blaenorol o arweinyddiaeth

• Dealltwriaeth gref o'r Cwricwlwm Nas Cynhelir i Gymru, diogelu, Cod ymarfer ADY yng Nghymru ac arfer gorau

• Sgiliau cyfathrebu a rhyngbersonol rhagorol, a sgiliau rhagorol o ran arwain tîm

• Y gallu i ysbrydoli eraill, eu cefnogi a’u datblygu

• Agwedd digynnwrf, hyblyg gyda meddylfryd sy’n gweld "atebion nid problemau"

• Gwiriad DBS manwl

• Cymorth Cyntaf Pediatrig a Diogelwch Bwyd lefel 2 (gellir darparu hyfforddiant)

• Hyfforddiant diogelu Grŵp B / C (gellir darparu hyfforddiant)

Pa fanteision sydd i chi? Manteision y rôl:

- Cefnogaeth barhaus gan yr uwch dîm rheoli

- Cyflog cystadleuol yn seiliedig ar brofiad

- Hyfforddiant helaeth â thâl

- Parcio diogel am ddim ar y safle

- Prydau bwyd am ddim ar gael

- Cau am gyfnod dros y gwyliau (Nadolig)

I gael fwy o wybodaeth cysylltwch â [email protected]

neu os hoffech wneud cais am y swydd, anfonwch eich CV ynghyd â Llythyr Eglurhaol at [email protected]

Mae swyddi gwag yn cael eu hysbysebu gan leoliadau gofal plant. Edrychwch ar borth swyddi Gofalwn Cymru neu rhowch alwad i ni ar 0800 0196330 neu e-bostiwch [email protected] i gael mwy o wybodaeth.