Rhaglen Grŵp Cyn-geni 'Croeso i'r Byd’

I bwy mae'r grŵp?

Ydych chi’n fam, dad neu bartner sy’n disgwyl babi ac yn llawn cyffro am ymuno â’r byd magu plant? Mae grŵp Cyn-geni ‘Croeso i’r Byd’ yn addas i ddarpar rieni sydd rhwng 22 a 30 wythnos yn feichiog.

Gwybodaeth ymarferol

Mae pob sesiwn yn 2 awr ac yn cael eu cynnal dros gyfnod o 8 wythnos.

Beth yw’r manteision?

• Bod yn ymwybodol o’ch emosiwn a sut mae o fudd i chi a’r babi.
• Meithrin cysylltiad rhyngoch chi a’ch babi cyn iddo hyd yn oed gael ei eni.
• Cyfle i uniaethu â ‘chiwiau a signalau’ babi a deall ei anghenion.
• Creu’r cwlwm agosrwydd cryf hwnnw rhyngoch chi â’ch a’i baratoi i feithrin perthnasoedd da yn y dyfodol.
• Gweld y byd trwy lygaid eich babi a’i wneud yn ddiogel yn emosiynol ac yn gorfforol.
• Cyfarfod â mamau a thadau newydd eraill, rhannu’r daith, rhoi cymorth i’ch gilydd a gwneud ffrindiau newydd.
• Bydd hwyluswyr hyfforddedig a bydwraig yno i’ch cynorthwyo ac i ateb eich cwestiynau.

Cysylltwch â ni nawr i gael mwy o wybodaeth neu i gofrestru ar Raglen Grŵp Cyn-geni 'Croeso i'r Byd' . Anfonwch neges atom drwy dudalen Facebook Blynyddoedd Cynnar Torfaen neu ffoniwch ni ar 07950187925. Neu dilynwch y ddolen i archebu ar Eventbrite

Mae Tîm Cymorth i Deuluoedd y Blynyddoedd Cynnar, hefyd yn cynnal noson wybodaeth Cyn-geni, unwaith y tymor, fel y gall rhieni alw heibio i sgwrsio ag amrywiaeth o weithwyr proffesiynol.

Dyma’r nosweithiau Gwybodaeth Cyn-geni nesaf:

• 21 Ionawr 2025 rhwng 5pm a 7pm yng Nghanolfan Integredig i Blant Cwmbrân
• 29 Ebrill 2025 rhwng 5pm a 7pm yng Nghanolfan Integredig i Blant Cwmbrân
• 9 Medi 2025 rhwng 5pm a 7pm yng Nghanolfan Integredig i Blant Cwmbrân
• 13 Ionawr 2026 rhwng 5pm a 7pm yng Nghanolfan Integredig i Blant Cwmbrân

Byddwn yn atodi dolen drwy Eventbrite i archebu lle yn y Nosweithiau Gwybodaeth Cyn-geni,  Eventbrite